بخصوص الضمانات والذهاب لوكالة الابتعاث .. ضروري بسافر واحتاج خبر اكيد قبل ما اسافر

السلام عليك ورحمة الله وبركاته

الموضوع واضح من العنوان

انا بطلع الرياض جو يوم الاحد عشان اخذ ضماني لانه بصراحة تعبت من الانتظار وبلحق المعاهد قبل تقفل

بس !!

اقدر اروح وكالة الابتعاث اللي في حي الغدير واخذ ضماني ؟ ولا هذا الموضوع متاح فقط في الملتقيات ؟

وياريت تعطوني وصف دقيق للوكالة في حي الغدير ولو صورة كروكي يكون احسن

ما تقصروا ويعطيكم العافية شباب وبنات

شباب احتاج ردكم ضروري :(

والله ماادري اتمنى تلقى احد يفيدكــ ...

up

يارب احد يرد علينا

ننتظر العلم الأكيد

ياريت اللي سبق وراح للوزارة يعطينا الرد تكفون ما ودي اسافر وفي الاخير اكتشف انه ما اقدر اخذه

بالنسبه لسؤالك عن الضمان المالي ومايتعلق فيه انا ما اقدر افيدك والله ياخوي ... لكن موقع الوزاره اللي بحي الغدير يكون على امتداد شارع العليا وانت متجه شمال على يمينك بعد وكاله المروج للاحوال المدنيه هذا اللي اقدر افيدك فيه .... مع تمنياتي للجميع بالتووفيق ..

يعطيكم العافية

اخوي رجل العزة انا عندي تذكرتين مفتوحة للرياض وحدة منهم لقرار الابتعاث والثانية للضرورة

واعتقد مسألة الضمان ضرورية واحتاج اخلص الموضوع قبل زحمة ملتقى جدة

دعواتك

توكل على الله اخوي اذاانت ناوي
لانهم بيعطونك الضمان باذن الله
بالتوفيق

نعم اخوي تقدر تروح وان شاء الله تحصل ع الضمان
ممكن خدمة ؟

من جد يعاني اللي مو من الرياض

الله يسهل عليناا

والله أنا أخذت الضمان المالي وماأحد اعترف فيه من المعاهد الأكاديمية :( دفعت من جيبي والله
لاتتعبون أنفسكم على الضمان رآح تشيله من دون فايده طلعوا ماستر كارد أحسن لكم وجيبوا قبولاتكم وأخذوا الضمان المالي حق الفيزا وخلصوا بسرعه قبل الزحمه

انا ان شا الله اني بروح اليوم السبت وبرد عليك علما اني بالشرقيه وباقي على موعدي بالملتقى 19 يوم .. والمعاهد قاعده تطير قدام عيوني :(

اقتباس:

---

المشاركة الأصلية كتبت بواسطة أبو جابر

والله أنا أخذت الضمان المالي وماأحد اعترف فيه من المعاهد الأكاديمية :( دفعت من جيبي والله
لاتتعبون أنفسكم على الضمان رآح تشيله من دون فايده طلعوا ماستر كارد أحسن لكم وجيبوا قبولاتكم وأخذوا الضمان المالي حق الفيزا وخلصوا بسرعه قبل الزحمه

---

ابو جابر بس الواحد يبي يحجز اسمه عند الوزارة في معهد معين .. بعد ما احجز اسمي ما عندي مشكلة اجيب شهادة بنكية للمعهد

يعطيك العافية يالغلا

اقتباس:

---

المشاركة الأصلية كتبت بواسطة psn

انا ان شا الله اني بروح اليوم السبت وبرد عليك علما اني بالشرقيه وباقي على موعدي بالملتقى 19 يوم .. والمعاهد قاعده تطير قدام عيوني :(

---

انتظرك يالغالي